खोटाङ । हलेसी तुवाचुङ नगरपालिका–७ महादेवस्थान वडा कार्यालयले साकेला सिली प्रवद्र्धन गर्ने उद्देश्यले ढोल र झ्याम्टा वितरण गरेको छ ।
वडा कार्यालयको चालू आर्थिक वर्ष २०७९/२०८० मा विनियोजित ‘साकेला सिली प्रोत्साहन’ कार्यक्रम अन्तर्गतको दुई लाख बजेटबाट साविक नौ वडामा रहेका नौ वटा साकेला सिली समुहलाई बिहीबार वडा कार्यालयमा कार्यक्रम गरी ढोल र झ्याम्टा वितरण गरिएको हो ।
‘साकेला सिली प्रोत्साहन’ कार्यक्रमलाई विनियोजन गरिएको वजेट खर्चका विषयमा किराती समुदायसँग बसेर छलफल गर्दा हाललाई प्रति समूह एकवटा ढोल र एक जोर झ्याम्टा बाड्ने निणर्य भएकाले त्यही अनुसार वितरण गरिएको महादेवस्थानका वडाध्यक्ष कमल गिरीले बताए ।
संस्कार, संस्कृती जगेर्नाका निम्ति महादेवस्थान वडाले गरेको कामको सामाजिक सञ्जालमा चौतर्फी प्रशंसा हुन थालेको छ ।