खोटाङ। जिल्ला प्रशासन कार्यालय खोटाङले प्रतिनिधिसभा सदस्य निर्वाचनलाई मध्यनजर गर्दै मदिराजन्य सामाग्री बिक्री वितरण तथा सार्वजनिक स्थानमा सेवनमा रोक लगाएको छ। प्रशासनले शुक्रबार सूचना जारी गर्दै निर्वाचनलाई स्वतन्त्र, निष्पक्ष, भयरहित र विश्वसनीय वातावरणमा सम्पन्न गर्नका जिल्लाभर मदिराजन्य सामाग्रीको ओसारपसार गर्न तथा विक्री वितरणमा रोक लगाएको हो ।
खोटाङ जिल्लाका प्रमुख जिल्ला अधिकारी रेखा कँडेलले निर्वाचनको अन्तिम परिणाम घोषणा नभएसम्म फागुन १५ देखि जिल्लामा मदिराको बिक्री तथा सार्वजनिक स्थानमा सेवनमा निषेध गरिएको बताइन । कानुन विपरीतका गतिविधिहरुको सुरक्षा निकायबाट सुक्ष्म निगरानीसमेत हुनेभएकाले कानुन विपरीतका भए गरेको पाइएमा प्रचलित कानुन अनुसार कारबाही गरिने सूचनामा उल्लेख छ ।
