खोटाङ, ८ मंसिर । दिप्रुङ चुइचुम्मा गाउँपालिकाले गाउँपालिकामा कार्यरत कर्मचारीहरुलाई कर्मचारीहरुको भाषिक शुद्धाशुद्धी (व्याकरण) तथा प्रशासनीक क्षमता विकास सम्बन्धी पाँच दिने आधारभूत तालिम सम्पन्न गरेको छ । गाउँपालिकाले गत मंसिर तीन गतेबाट शुरु गरेको आधारभूत तालिमको शुक्रबार गाउँपालिका प्रमुख लोकेन्द्र राईले समापन गर्नुभएको निमित्त प्रमुख प्रशासकीय अधिकृत पिएस्पी चाम्लिङ राईले बताउनुभयो ।
कर्मचारीहरुलाई कर्मचारीहरुको भाषिक शुद्धाशुद्धी, व्याकरण, कार्यालय व्याहारीक लेखन, नेतृत्व विकाश, जिन्सि समानहरुको अभिलेख व्यावस्थापन तथा प्रशासनीक क्षमता विकास सम्बन्धी गाउँपालिकाका कर्मचारी सातै वडाका वडा सचिव कम्युटर अपरेटर, स्वास्थ्य चौकीका इन्चार्ज र सामुदायीक इकाइका इन्चार्ज गरी ६५ जना कर्मचारीलाई आधारभूत तालिम दिइएको गाउँपालिका अधिकृत सातौं जनकप्रसाद ढुङ्गानाले बताउनुभयो ।
कर्मचारीहरुलाई नेपाली भाषाका सहजकर्ता एवम् दशर्न आचार्य परिक्षक भिष्मराज काफ्लेले परिक्षण दिनुभएको थियो भने, प्रशासनिक क्षमता अभिवृद्धितर्फ गाउँपालिकाका अधिकृत सातौं ढुङ्गाना र महिला विकास निरीक्षक ओमसरा राईले प्रशिक्षण दिनुभएको गाउँपालिकाले जनाएको छ ।
