खोटाङ । रावाबेँसी गाउँपालिका-६ हौँचुर वडा कार्यालयले सामुदायिक विद्यालयका विद्यार्थीलाई झोला वितरण गरेको छ । सामुदायिक विद्यालयमा विद्यार्थीको आकर्षण तथा शैक्षिक गुणस्तर सुधारमा टेवा पुर्याउने उद्देश्यले कक्षा १–५ सम्मका विद्यार्थीलाई झोला वितरण गरिएको वडाध्यक्ष चिरञ्जीवि कार्कीले जानकारी दिनुभयो ।
विद्यार्थीलाई झोला वितरणको लागि वडाले चालु आर्थिक वर्ष २०८०/०८१ मा ३ लाख बजेट विनियोजन गरेको थियो । सोही अनुसार आफ्नो वडा भित्रका पञ्चकन्या, जनएकता, शिंहदेवि, जनता र बछलादेवि आधारभूत विद्यालयसँगै शारदा माध्यमिक विद्यालयका कक्षा १–५ सम्मका ३ सय ५१ जना विद्यार्थीलाई झोला वितरण गरिएको वडाध्यक्ष कार्कीले बताउनुभयो ।
