सिन्धुपाल्चोक, २५ बैशाख । राति सुतिरहेका अवस्थामा काग्रेंसका कार्यकर्ताले एमालेका उम्मेद्वारमाथि आक्रमण गरेको छ । शनिवार बेलुकी १० बजे वलेफी गाँउपालिका-७ का एमालेको खुला सदस्यको उम्मेदवार लेखबहादुर तामाङमा माथि आक्रमण भएको एमाले वलेफी गाँउपालिका कमिटीले जानकारी दिएको छ ।
आक्रमणबाट तामाङको आँखा र अनुहारमा गहिरो चोट लागेको छ । सो घटनामा नेपाली कांग्रेस बलेफि गाँउपालिका -७ का सभापति निरबहादुर तामाङ र सोहि स्थान बस्ने सेरबहादुर तामाङ सहभागी भएको समेत एमालेका नेता तथा सोही वडाका अध्यक्षका उम्मेद्वार कार्केल लामाले बताएका छन ।
घाईते तामाङको खाडिचौरस्थित सदावहार अस्पतालमा उपचार भईरहेको छ ।
