प्रेम श्रेष्ठ
खोटाङ,३ माघ। रावाबेँसी गाउँपालिकामा नेवाः देय् दबुको प्रथम पालिका अधिवेशन सम्पन्न भएको छ । जेष्ठ सदस्य भिमनारायण श्रेष्ठको अध्यक्षता र रावाबेँसी गाउँपालिका अध्यक्ष फटिककुमार श्रेष्ठको प्रमुख आतिथ्यतामा नेवाः देय् दबु सम्पन्न भएको हो ।
अधिवेशनबाट अध्यक्ष काजीबहादुर श्रेष्ठको अध्यक्षतामा १९ सदस्यीय पालिका समिति गठन भएको छ । अध्यक्ष श्रेष्ठ, बरिष्ठ उपाध्यक्ष केशरबहादुर श्रेष्ठ, उपाध्यक्ष दिपक श्रेष्ठ, महिला उपाध्यक्ष प्रमिला श्रेष्ठ, सचिव चित्रबहादुर श्रेष्ठ, महिला सचिव जानुका श्रेष्ठ, कोषाध्यक्ष चुडामणि श्रेष्ठ सर्वसहमत चयन भएका छन् ।
अधिवेशनमा रावाबेँसी गाउँपालिका उपाध्यक्ष कौशिलाकुमारी गुरुङ, वडा– ४ का वडा अध्यक्ष ज्ञानबहादुर पाण्डे र वडा –१ का वडा सदस्य विशाल राई, नेवाः देय् दबु कोशी प्रदेश समिति सदस्य अम्बर श्रेष्ठ, नेवाः देय् दबु कोशी प्रदेश समिति निवर्तमान सदस्य इन्द्र कसजु, नेवाः देय् दबु जिल्ला समिति सचिव गोपाल श्रेष्ठ, नेवाः देय् दबु जिल्ला समिति सदस्य लिलानारायण श्रेष्ठ, नेवाः देय् दबु जिल्ला समिति सदस्य यज्ञनारायण श्रेष्ठलगायतको उपस्तिथि रहेको थियोे ।