खोटाङ । जिल्ला प्रहरी कार्यालय खोटाङले शिक्षा विकास तथा समन्वय इकाई खोटाङका कार्यालय प्रमुख शैलेन्द्रबहादुर थापालाई पक्राउ गरेको छ । आफ्नै श्रीमतीको उजुरीका आधारमा गएराती थापालाई दिक्तेलस्थित आफ्नै निवासबाट पक्राउ गरिएको जिल्ला प्रहरी कार्यालय खोटाङका प्रवक्ता प्रहरी निरीक्षक बेनु कार्कीले बताउनुभयो ।
परिवारमा घरेलु हिंसा गरेको र पक्राउ गरिदिन भन्दै थापाकी श्रीमती गएराती प्रहरीमा पुगेपछि उनलाई नियन्त्रणमा लिएको बताइएको छ । प्रवक्ता कार्कीका अनुसार प्रहरी कार्यालयमा थापा र श्रीमतीबीच छलफल भईरहेको छ ।
