बिराटनगर। कोशी प्रदेश सरकारका सामाजिक विकास मन्त्री एवम् प्रदेश स्काउट प्रमुख पाँचकर्ण राई‘पीके’ ले चौथो प्रादेशिक ज्याम्बोरेटको उदघाटन गर्नुभएको छ । प्रदेश स्काउट कार्यालय, कोशीको आयोजनामा बिराटनगरस्थित डिग्री क्याम्पसमा सुरु भएको चौथो प्रादेशिक ज्याम्बोरेटको सामाजिक विकास मन्त्री राई र कोशी प्रदेशका मुख्यमन्त्री एवम् प्रदेश स्काउट संरक्षक हिक्मतकुमार कार्कीले संयुक्तरुपमा शनिबार उदघाटन गर्नुभएको हो ।
ज्याम्बोरेट स्काउटमा कोशी प्रदेशका ६७ वटा पालिकाका ११ देखि १६ वर्षसम्मका स्काउट विद्यार्थी २५ सय सहभागी भएका छन् । विद्यार्थीहरुलाई स्काउटसँग सम्बन्धित विभिन्न सहासिक, शारीरिक, मानसिक, वौद्धिक, सम्वेगात्मक, मनोरञ्जनात्मक र सांस्कृतिक क्रियाकलाप ज्याम्बोरेटमा सञ्चालन हुने कोशी प्रदेशका आयुक्त अध्यक्ष हेमन्त भण्डारीले जानकारीदिनुभयो ।
ज्याम्बोरेट उदघाटनको दाश्रो दिन अर्थात (शनिबार) मार्च पास र चित्रकला प्रतियोगिता गराइएको थियो । आइतबार साँस्कृतिक नृत्यसहित ज्यागेट कार्यक्रम हुने र अप्रतियोगिताका कार्यक्रम पनि रहने प्रदेश आयुक्त भण्डारीले बताउनुभयो । प्रदेश आयुक्त भण्डारीका अनुसार ज्याम्बोरेटमा सहभागिलाई ट्रफि र प्रमाणपत्र दिइने छ । ज्याम्बोरेट प्रत्येक ४–४ वर्षमा हुने गरेको छ । प्रादेशिक संरचना पछाडिको यो पहिलो ज्याम्बोरेट हो ।
ज्याम्बोरेट स्काउटहरूको भेला हो। ज्याम्बोरेटका क्रियाकलापहरु सञ्चालन गर्न २०५ जनाको सर्भिस टिम बनाएको बताइएको छ । ज्याम्बोरेट यही माघ २८ गतेसम्म सञ्चालन हुने जनाइएको छ ।
