खोटाङ । दिक्तेल रुपाकोट मझुवागढी नगरपालिकाका नगरप्रमुख तीर्थराज भट्टराई मित्रराष्ट्र जापान जानुभएको छ । नेपाल सरकारको गत ९ मंसिरको निर्णयनुसार जापानस्थित तोचिगी नगरभ्रमणमा नगरप्रमुख भट्टराई जापान जानुभएको दिक्तेल रुपाकोट मझुवागढी नगरपालिकाले विज्ञप्तिमार्फत जानकारी दिएको हो ।
शनिबार नगरप्रमुख भट्टराई त्रिभुवन अन्तरास्ट्रिय विमानस्थलबाट ड्राइगन एयरलाइन्सको उडानबाट राती ११:४५ बजे जापान प्रस्थान गर्ने र जापानस्थित तोचिगि नगरपालिकासँग मित्रवत सम्बन्ध स्थापित गर्ने र दुबै नगरपालिकाको दीर्घकालीन हित र उपलब्धि हासिल हुने नगरले विश्वास लिएको विज्ञप्तिमा उल्लेख छ । जापानस्थित तोचिगी नगरपालिका र दिक्तेल रुपाकोट मझुवागढी नगरपालिकाबीच स्वास्थ्य, शिक्षा, कृषि पर्यटन तथा भौतिक पुर्वाधार निर्माणका लागि सौहार्दपुर्णरूपमा सम्बन्ध स्थापित गर्ने उद्देश्यले नगरप्रमुख भट्टराई हप्तादिनका लागि औपचारिक भ्रमणमा निष्कनुभएको नगरउपप्रमुख विशन राईले बताउनुभयो ।
नगरप्रमुख भट्टराई जापानमा रहदा`मेयरसँग मेयर सम्वाद´ कार्यक्रम लगायत विभिन्न शिक्षण संस्था तथा कृषि केन्द्रको स्थलगत अध्ययन र जापनस्थित नेपाली संघ संस्थासँग अन्तरक्रिया कार्यक्रममा सहभागी हुने नगरले जारी गरेको विज्ञप्तिमा भनिएको छ । जापानले स्थापना गरेको नयाँ कृषि प्रविधी तथा फोहोर व्यावस्थापनका विषयमा विज्ञसँग अवलोकन एवम् छलफल गर्ने जनाइएको छ ।
नगरप्रमुख भट्टराईको आतेजाते तथा अन्य खर्च जापनस्थित विभिन्न संघ संस्थाहरूबाट व्यावस्थापन भएको विज्ञप्तिमा उल्लेख गरिएको छ ।
