खोटाङ,२१ कात्तिक । खोटाङमा नेपाली कांग्रेसको सिङ्गो वडा समिती एमालेमा समाहित भएको छ । दिप्रुङ चुइचुम्मा गाउँपालिका-४ बतासेका वडा सभापती , नेपाल विद्यार्थी संघका जिल्ला सचिव राजदेश राईको नेतृत्वमा ६३ जना एमालेमा समाहित भएका हुन् ।
आइतबार बतासेमा भएको चुनावीसभामा गठबन्धनका तर्फबाट नेपाली कांग्रेस प्रदेश `ख´ का उम्मेदवार भुपेन्द्र राईप्रती असन्तुष्ट जनाउँदै पुर्व कार्यवाहक सभापती वडा सदस्यका उम्मेदवार तीलककुमार राई पार्टी वडा सचिव प्रेम राई वडा सह-सचिव नारायण राई ,सुरेन्द्र भुजेल अग्रज नेता महेश्वर राई वडा कार्यसमिती सदस्य सुनिल राई सदस्य म्यानबहादुर भुजेल, ओम राई, राजकुमार राई, रिजित राई र किरण राई र जनता समाजवादी पार्टी (जसपा) का दुई जना गरी ६५ जना एकै दिन एमालेमा प्रवेश गरेका छन्।
यस्तै, जसपा खोटाङका जिल्ला सद्सय एवम् डाँडागाउँ वडाध्यक्षका उमेदवार किशोरचन्द्र राई र जसपाका नेता साजन राई एमालेमा प्रवेश गर्नुभएको हो । नवप्रवेशी वडा सभापति राई भन्नुहुन्छ, “नेपाली कांग्रेसले गरेको अन्याय र अत्याचार कै कारण म एमालेमा सम्माहित भएको हु । उहाँले भन्नुभयो, “यो निर्वाचनमा गठबन्धनलाई परास्त गर्नका लागि पनि एमालेमा प्रवेश गरेको हुँ । नेकपा एमाले सुर्य चिन्ह र जबज जीवनभर छोड्दैनौँ र अरुलाई पनि एमालेमा एक ढिक्का भएर लाग्न आग्रह गर्दछु।” राईले भन्नुभयो ।
नवप्रवेशिहरूलाई नेकपा (एमाले) केन्द्रीय सदस्य एवम् खोटाङ जिल्ला सह-इन्चार्ज उषाकला राई, एमाले खोटाङका अध्यक्ष प्रदेशसभा `ख´ का उम्मेदवार रामप्रसाद दंगाल जिल्ला उप-सचिव दीपनारण रिजाल सुनसरी जिल्ला कमिटी सदस्य कांसिनाथ दंगाल एमाले जिल्ला कमिटी सदस्य ओम प्रकाश घिमिरे लगायतले खादा माला लगाएर स्वागत गर्नुभएको थियो ।
नवप्रवेशसिलाई योग्यता र क्षमताको आधारमा जिम्मेवारी दिइने उप-सचिव रिजालले बताउनुभयो ।
