खोटाङ,१५ साउन । साकेला गाउँपालिका–५ मात्तिमविर्ता केन्द्रबिन्दु बनाएर गएको ६ रेक्टरस्केलको भूकम्पले केही घरमा क्षति पुगेको छ।
गाउँपालिकाको सोहि वडा मात्तिमबिर्तामा एक घर चर्किएको र एक घरको टायल खसेको साकेला-५ का वडाध्यक्ष जीवन न्यौपानेले जानकारीदिनुभयो । हलेसी तुवाचुङ नगरपालिकाका नगरप्रमुख बिमला राईले वडा कार्यालयमार्फत क्षतिको विवरण उपलब्ध गराउन सूचना जारी गरिएको बताउनुभयो ।
हलेसी तुवाचुङ–७ महादेवस्थानमा केही घरको पर्खालको ढुंगा खसेको वडाध्यक्ष कमल गिरीले जानकारी दिनुभयो।आइतबार बिहान ८ बजेर १३ मिनेटमा भूकम्प गएको थियो।
