खोटाङ १९ असार । हलेसी तुवाचुङ नगरपालिका–७ महादेवस्थानमा हालै सम्पन्न भएको बधशालाको सपोर्ट वाल भासिएको छ । असार ४ गते निर्माण सम्पन्न भएको वाल अविरल वर्षातका कारण भासिएको हो ।
प्रदेश सरकार कृषि मन्त्रालय प्रदेश-१ को रु ९ लाख ६० हजार र जनश्रमदान १ लाख ७ हजार ९८६ रुपैयाँको लागतमा वाल निर्माण सम्पन्न भएको थियो ।
वालसँगै शौचालयको हज, स्याल्ब ढलान भासिएर चिराचिरा परेको छ । तुवाचुङ कृषि हाटबजार निर्माण उपभोक्ता समितिमार्फत सम्पन्न योजना कमजोर फाउन्डेसन र माटोले खाल्डो पूर्दा चिराचिरा परेर भासिएको स्थानीयले बताएका छन् ।
हतारमा योजना सम्पन्न गर्ने प्रवृतिले अधिकांश योजनाहरू वर्षेनी जोखिममा पर्ने गरेका छन् ।
