खोटाङ,१० जेष्ठ । ३० बैशाखमा सम्पन्न स्थानीय तह निर्वाचनबाट निर्वाचित हलेसी तुवाचुङ नगरपालिकाका नगरप्रमुख बिमला राईले नगरपालिकाको विकास र समृद्धिका लागि पाँच बुँदे योजना अघि सार्नु भएको छ ।नगर योजना आयोग गठनदेखि कृषि, पर्यटनका माध्यमबाट नगरवासीलाई स्वरोजगार बनाउनेसम्मका योजना अघि सार्नुभएको हो ।
यस्ता छन् पाँच बुँदे योजना
१. नगर योजना आयोग गठन, विज्ञ समुहद्धारा नगर स्तरिय सम्पदा तथा संस्कृति संरक्षण परिषद गठन सम्बन्धी अवधारणा विकास गर्ने ।
२. नागरिकमाथि शासनका लागि प्रशासन होइन, आधुनिक प्रविधि व्यवस्थापन प्रणालीमार्फत सेवा प्रवाह सहित संस्थागत संरचनाको विकास गर्ने ।
३. प्राविधिक शिक्षालाई जोड दिँदै केही आधारभुत विद्यालय तहमा अंग्रेजी माध्यमबाट पठनपाठन सुरूवात गर्ने ।
४. नगरपालिकाभित्रका एकल महिला, एकल पुरुष, विधवा, बिधुर, अपांगता भएका व्यक्ति र अभिभावक गुमाएका बालबालिकाको निःशुल्क स्वास्थ्य बिमा गरी नगर अस्पतालमार्फत सेवा प्रदान र ज्येष्ठ नागरिकलाई घरमै उपचार सेवा प्रदान गर्ने ।
५. नागरिकलाई कृषि, पर्यटनमा संलग्न गराई कपास खेती, पशुपालन क्षेत्रमा स्वरोजगार बनाइने ।
